తెలంగాణ వీరవనిత చాకలి ఐలమ్మ

భూమి కోసం, భుక్తి కోసం, వెట్టి చాకిరి విముక్తి కోసం భూస్వాములపై రజాకార్లపై ఉక్కు పిడికిలి బిగించిన ఓరుగల్లు పోరు బిడ్డ, తెలంగాణ వీరవనిత, సాయుధ పోరాట యోధురాలు చాకలి ఐలమ్మ అని ములుగు జిల్లా ఇంటర్మీడియట్ విద్యాశాఖ అధికారి వెంకటేశ్వర్లు అన్నారు. మంగళవారం మండల కేంద్రంలో ప్రభుత్వ జూనియర్ కళాశాలలో ఎన్ఎస్ఎస్ యూనిట్ ఆధ్వర్యంలో ప్రిన్సిపాల్ రాంపాక అవిలయ్య అధ్యక్షతన ఐలమ్మ చిత్రపటానికి పూలమాలలు వేసి నివాళులర్పించారు.