భూపాలపల్లి: నీట మునిగి యువకుడు మృతి

భూపాలపల్లి జిల్లా పలిమెల మండలంలో విషాదం చోటుచేసుకుంది. సర్వాయి పేటకు చెందిన ఆకుదారి ప్రశాంత్ (17) అనే యువకుడు తమ స్నేహితులతో కలిసి గోదావరి నదికి వెళ్లారు. స్నానం చేసేందుకు నదిలో దిగగా ఇద్దరు స్నేహితులు తక్కువ లోతులో నుండే బయటకు వచ్చారు. ప్రశాంత్ కొంచెం ముందుకు వెళ్లగానే నీట మునిగి చనిపోయినట్లు ఎస్ఐ తమాషా రెడ్డి తెలిపారు. మృతదేహాన్నీ బుధవారం సాయంత్రం వెలికితీసి పోస్ట్ మార్టం కోసం మహాదేవపూర్ ప్రభుత్వ ఆస్పత్రికి తరలించారు.