దుద్యాల: సమస్యల వలయంలో కేజీబీవీ

దుద్యాల మండలంలోని చెట్టుపల్లి తండా కేజీబీవీ పాఠశాలలో విద్యార్థులకు శుద్ధ జలం అందించేందుకు ఏర్పాటు చేసిన ఆర్టీ ప్లాంట్ పనిచేయడం లేదని శుక్రవారం పాఠశాల ప్రిన్సిపల్ రాధికా రెడ్డి తెలిపారు. అలాగే భౌతికశాస్త్రం, జీవశాస్త్రం, ఆంగ్లం సబ్జెక్టులను బోధించేందుకు ఉపాధ్యాయులు లేకపోవడంతో డిజిటల్ తరగతి పాఠాలు వినిపిస్తున్నామన్నారు. విద్యార్థుల సంఖ్య నిష్పత్తికనుగుణంగా మరుగుదొడ్లు సరిపోవడం లేదని పేర్కొన్నారు.