జాతీయ రహదారిపై రివర్స్‌ తీసుకుంటున్న కారును ఈడ్చుకెళ్లిన లారీ.. Video

కర్ణాటకలోని కుందాపూర్‌లో ఘోర రోడ్డు ప్రమాదం జరిగింది. భక్తులతో కూడిన కారు.. కుందాపూర్ వద్ద జాతీయ రహదారిపై రివర్స్‌ తీసుకుంటుండగా వేగంగా దూసుకొచ్చిన లారీ దానిని వెనుక నుంచి ఢీకొట్టింది. అలాగే కొన్ని మీటర్ల దూరం ఈడ్చుకెళ్లి ఓ బోర్డుకు ఢీకొట్టింది. ఈ ప్రమాదంలో పది మంది గాయపడ్డారు. వారిలో ఇద్దరి పరిస్థితి విషమంగా ఉన్నది. ప్రమాదానికి సంబంధించిన దృశ్యాలు సీసీటీవీ కెమెరాలో రికార్డయ్యాయి.