ఆదిలాబాద్: ప్రమాదంలో రైతుకు గాయాలు
ఆదిలాబాద్ జిల్లా కేంద్రంలోని వ్యవసాయ మార్కెట్ యార్డులో గురువారం జరిగిన ట్రాక్టర్ ప్రమాదంలో తాంసి మండలం వడ్డాడి గ్రామానికి చెందిన పవార్ ప్రవీణ్ అనే రైతు గాయపడ్డారు. పత్తి పంట విక్రయించడానికి వచ్చిన ఆయన కాలుపై నుంచి ట్రాక్టర్ టైరు వెళ్ళటంతో కాలికి తీవ్ర గాయాలయ్యాయి. స్థానికులు ఇచ్చిన సమాచారం మేరకు 108 అంబులెన్స్ సిబ్బంది దీపక్, ఎండీ వసీం ప్రథమ చికిత్స చేసి స్ధానిక రిమ్స్ ఆస్పత్రికి తరలించారు.
