సంగారెడ్డి: చేపల వేటకు వెళ్లి వ్యక్తి మృతి

సదాశివపేట పట్టణ శివారులోని కొత్తచెరువులో వ్యక్తి శవం లభ్యమైనట్లు సిఐ మహేష్ గౌడ్ బుధవారం తెలిపారు. మరణించిన వ్యక్తి వయస్సు 25 నుంచి 30 సంవత్సరాలు ఉంటుందని పేర్కొన్నారు. షర్టు జేబులో ధర్మకోల్ ఉండడంతో చేపలు పట్టేందుకు వెళ్లి మృతి చెంది ఉండవచ్చని చెప్పారు. శవం బాగా కుళ్లిపోయిందని వివరించారు. ఎవరికైనా తెలిస్తే సదాశివపేట పోలీస్ స్టేషన్ లో సంప్రదించాలని సూచించారు.