బోధన్: ఇసుక టిప్పర్ ఢీకొనడంతో మేకలు మృతి

నిజామాబాద్ జిల్లా బోధన్ మండలం బండారు పల్లి గ్రామ శివారులో బుధవారం ఇసుక టిప్పర్ ఢీకొని మేకలు మృతి చెందాయి. మంజీర నుంచి ఇసుకకు అనుమతులు ఇవ్వడంతో టిప్పర్లు ద్వారా ఇసుక రవాణా చేస్తున్నారు. టిప్పర్లు వేగంగా వస్తూ మేకలను ఢీకొట్టినట్లు స్థానికులు తెలిపారు. మేకలు అక్కడికక్కడే మృతి చెందాయి. స్థానికులు సమాచారం మేరకు పోలీసులు సంఘటన స్థలానికి చేరుకున్నారు.