మహాయుతి కూటమి విజయంపై మోదీ హర్షం

మహారాష్ట్రలో మహాయుతి కూటమి విజయం సాధించడంపై ప్రధాని నరేంద్ర మోదీ స్పందించారు. ఈ మేరకు ఎక్స్ వేదికగా పోస్ట్ పెట్టారు. అభివృద్ధి, సుపరిపాలన గెలిచాయని హర్షం వ్యక్తం చేశారు. ‘‘మహారాష్ట్రలో మహాయుతి కూటమికి చారిత్రక విజయాన్ని అందించారు. ఈ సందర్భంగా మహారాష్ట్ర ప్రజలకు.. ప్రధానంగా రాష్ట్రంలోని యువత, మహిళలకు నా హృదయపూర్వక కృతజ్ఞతలు. మహారాష్ట్ర పురోగతికి మా కూటమి నిరంతరం కృషి చేస్తుందని నేను ప్రజలకు హామీ ఇస్తున్నా’’ అని హామీ ఇచ్చారు.