బెల్లంపల్లి: బొగ్గు బ్లాకుల వేలాన్ని ఆపాలని సంతకాల సేకరణ

తెలంగాణలోని బొగ్గు బ్లాకుల వేలాన్ని ఆపాలని సీపీఎం పార్టీ బెల్లంపల్లి ఏరియా కార్యదర్శి గొమాస అశోక్, ఏరియా కమిటీ సభ్యులు అబ్బోజీ రమణలు కోరారు. ఈ మేరకు గురువారం బెల్లంపల్లి పట్టణంలోని కాంట్రా చౌరస్తా వద్ద సంతకాల సేకరణ కార్యక్రమాన్ని చేపట్టారు. శ్రావణపల్లి బొగ్గు బ్లాక్ ని సింగరేణికే ఇవ్వాలని డిమాండ్ చేశారు. కేంద్ర ప్రభుత్వ విధానాలతో భవిష్యత్తులో సింగరేణి కనుమరుగయ్యే అవకాశం ఉందన్నారు.