నారాయణపేట: ఘనంగా సత్యసాయిబాబా 99వ జయంతి

నారాయణపేట జిల్లా కేంద్రంలోని శ్రీ సత్యసాయి మందిరంలో శనివారం భగవాన్ శ్రీ సత్యసాయి బాబా 99వ జయంతి వేడుకలు ఘనంగా నిర్వహించారు. ఉదయం ఓంకారం, సుప్రభాత సేవ, నగర సంకీర్తన కార్యక్రమం నిర్వహించారు. ధ్వజారోహన, బాబా చిత్రపటానికి ప్రత్యేక పూజలు, సామూహిక సత్యసాయి వ్రతాలను చేశారు. నారాయణపేట మున్సిపల్ చైర్మన్ గందె అనసూయ దంపతులు పాల్గొని ప్రత్యేక పూజలు చేశారు. సేవ సమితి ఆధ్వర్యంలో అన్నదానం చేశారు.