మక్తల్: పోలీస్ అమరవీరులకు ఘన నివాళి

పోలీస్ అమరవీరుల సంస్మరణ వారోత్సవాల్లో భాగంగా శనివారం మక్తల్ పట్టణంలో పోలీసుల ఆధ్వర్యంలో కొవ్వొత్తుల ర్యాలీ నిర్వహించారు. ప్రధాన రహదారుల గుండా అంబేద్కర్ కూడలి వరకు ర్యాలీ నిర్వహించి నివాళి అర్పించారు. అనంతరం ఎస్సై భాగ్యలక్ష్మి రెడ్డి మాట్లాడుతూ పోలీస్ అమరవీరుల త్యాగాలను కొనియాడారు. ప్రజలకు రక్షణ కల్పించడంలో, శాంతిభద్రతలు కాపాడటంలో పోలీసుల పాత్ర కీలకమన్నారు. విద్యార్థులు, పిఈటి లు పాల్గొన్నారు.