జాతీయ రహదారిపై మద్యం లోడ్ తో వెళ్తున్న కంటైనర్ బోల్తా పడిన ఘటన బుధవారం రాత్రి జడ్చర్లలో చోటుచేసుకుంది. పెబ్బేరు నుంచి హైదరాబాద్ కు మద్యం లోడుతో వెళ్తున్న కంటైనర్ హైవే-44పై జంజం హోటల్ వద్ద ఆగి ఉండగా, మరో లారీ ఢీకొట్టింది. దీంతో కంటైనర్ బోల్తా పడటంతో అందులో ఉన్న మద్యం బాటిళ్లు చెల్లాచెదురయ్యాయి. మందు బాటిళ్ల కోసం స్థానికులు ఎగబడ్డారు. హైవేపై ట్రాఫిక్ జామ్ కావడంతో విషయం తెలుసుకుని పోలీసులు ట్రాఫిక్ క్లియర్ చేశారు.