అశ్వాపురం: గంజాయి పట్టివేత

అశ్వాపురం మండలం గొల్లగూడెం సమీపంలోని సీతారామ ప్రధాన కాలువ వంతెన వద్ద ఓ ఆటోలో తరలిస్తున్న 51 కిలోల గంజాయిని పోలీసులు సోమవారం పట్టుకున్నారు. ఆటోను, డ్రైవర్ శివకుమారన్ను పోలీసులు అదుపులోకి తీసుకున్నారు. ఆటో భద్రాచలం నుంచి పెద్దపల్లికి వెళ్తున్నట్లు గుర్తించారు. సీఐ జి. అశోక్ రెడ్డి ఆధ్వర్యంలో పోలీసులు విచారణ చేపట్టారు. గంజాయి విలువ సుమారు రూ. 12. 75 లక్షలు ఉంటుందని సీఐ తెలిపారు.