బూర్గంపాడు: నర్సరీని పరిశీలించిన కలెక్టర్

ఆదివాసీ గ్రామాల్లో రైతులు పంట పొలాలను అడవి జంతువుల నుంచి కాపాడుకోవడానికి రక్షణ కంచె ఏర్పాటు చేసుకోవడానికి రైతులకు వెదురు మొక్కలు అందించేందుకు ప్రణాళికలు సిద్ధం చేస్తున్నామని కలెక్టర్ జితేష్ వి. పాటిల్ తెలిపారు. బూర్గంపాడు మండలం సందెళ్లపాడు అటవీశాఖ నర్సరీని ఆయన శుక్రవారం సందర్శించారు. నర్సరీలో పెంచుతున్న మొక్కలను పరిశీలించారు. ఏయే జాతి మొక్కలు పెంచుతున్నారో అక్కడి సిబ్బందిని అడిగి తెలుసుకున్నారు.