చింతగూడలో గ్రంథాలయాన్ని ప్రారంభించిన ఇన్ చార్జ్ ఎంఈఓ

కాగజ్‌నగర్‌ మండలం చింతగూడలోని ఎంపీపీఎస్ పాఠశాలలో బుధవారం ఇన్ చార్జ్ ఎంఈఓ ప్రభాకర్ గ్రంథాలయాన్ని ప్రారంభించారు. ఆయన మాట్లాడుతూ.. పుస్తక పఠనంతో విద్యార్థుల మేధో శక్తి పెంపునకు ఎంతగానో ఉపయోగపడుతుందన్నారు. కొత్త విషయాలు తెలుసుకోవడానికి, సమాజంపై అవగాహన పెంచుకోవడానికి గ్రంథాలయాలు దోహదపడతాయని చెప్పారు. మండల నోడల్ అధికారి జాడే దేవాజి, పంచాయతీ కార్యదర్శి హరీష్, పాఠశాల ఉపాధ్యాయులు తదితరులు ఉన్నారు.