భీమవరం పాఠశాలలో బతుకమ్మ సంబరాలు

ఎర్రుపాలెం మండల పరిధిలోని భీమవరం ప్రభుత్వ ఉన్నత పాఠశాల నందు మంగళవారం బతుకమ్మ వేడుకలు ఘనంగా నిర్వహించారు. విద్యార్థులు కోలాటం ఆడుతూ ఆట పాటలతో ఆనందోత్సవాల మధ్య సరదాగా గడిపారు. రేపటి నుంచి విద్యాసంస్థలకు దసరా సెలవులు ప్రకటించిన నేపథ్యంలో ముందస్తుగా పాఠశాలలో బతుకమ్మ వేడుకలను నిర్వహించినట్లు పాఠశాల ఉపాధ్యాయులు తెలిపారు. విద్యార్థులతో కలిసి ఉపాధ్యాయులు బతుకమ్మను పేర్చి ఆడి పాడారు.