గ్రామ దేవతల చల్లని దీవెనలు ప్రజలపై ఉండాలి: ఎమ్మెల్యే

గ్రామ దేవతల చల్లని దీవెనలు, ఆశీస్సులు ప్రజలపై ఉండాలని, సుఖ సంతోషాలతో జీవించాలని ఎమ్మెల్యే తలసాని శ్రీనివాస్ యాదవ్ ఆకాంక్షించారు. బన్సీలాల్ పేట డివిజన్ హమాలీ బస్తీలో బొడ్రాయి ప్రతిష్ఠించి ఏడాది పూర్తయిన సందర్భంగా నిర్వహించిన వార్షిక పూజలకు ముఖ్య అతిథిగా హాజరయ్యారు. బస్తీ ప్రజలు అనేక సమస్యలతో అవస్థలు పడుతున్నారని, బొడ్రాయి ప్రతిష్ఠిస్తే అంతా మంచి జరుగుతుందని పండితులు సూచించారని చెప్పారు.