రక్తదానంతో మరో వ్యక్తికి పునర్జన్మ: వనపర్తి ఎస్పీ

రక్తదానం మరో వ్యక్తికి పునర్జన్మ ఇస్తుందని వనపర్తి జిల్లా ఎస్పీ రావుల గిరిధర్ అన్నారు. పోలీస్ అమరవీరుల సంస్మరణ దినోత్సవ కార్యక్రమాల్లో భాగంగా బుధవారం వనపర్తి జిల్లా పోలీస్ కార్యాలయం ఆవరణలో జిల్లా పోలీసు శాఖ ఆధ్వర్యంలో ఏర్పాటు చేసిన మెగా రక్తదాన శిబిరాన్ని ఎస్పీ గిరిధర్ ప్రారంభించారు. రక్తదాన శిబిరంలో పోలీసులతో పాటు యువకులు పాల్గొని రక్తదానం చేశారు. ఈ సందర్భంగా రక్తదాతలను ఎస్పీ అభినందించారు.