అత్యధిక టబ్బులు నింపిన కార్మికులకు సన్మానం

శ్రీరాంపూర్ ఏరియాలోని ఆర్కే 7 గనిలో గడిచిన ఆగష్టు నెలలో ఎస్డీఎల్ ఆపరేటర్లు పల్లెర్ల తిరుపతి, మారేపల్లి సారయ్య అత్యధిక టబ్బులు బొగ్గు నింపారు. ఈ సందర్భంగా సోమవారం గని ఆవరణలో ఏర్పాటు చేసిన కార్యక్రమంలో వారిని ఆర్కే 7 గ్రూప్ ఏజెంట్ రాముడు, మేనేజర్ తిరుపతి ఘనంగా సత్కరించి బహుమతి ప్రదానం చేశారు. అనంతరం వారు మాట్లాడుతూ ప్రతి కార్మికుడు రక్షణ పాటిస్తూ నూరు శాతం ఉత్పత్తి సాధించాలని కోరారు.