128 வயதான யோகா குரு பத்மஸ்ரீ 'சிவானந்த் பாபா' காலமானார்

யோகா குரு பத்மஸ்ரீ சிவானந்த பாபா தனது 128வது வயதில் உத்தரப்பிரதேசத்தின் வாரணாசியில் சனிக்கிழமை இரவு காலமானார். இரவு 8.30 மணிக்கு அவரது உயிர் பிரிந்ததாக பிஎச்யு மருத்துவமனை மருத்துவர்கள் தெரிவித்துள்ளனர். உடல்நலக்குறைவு காரணமாக அவர் மூன்று நாட்களாக சிகிச்சையில் இருந்தார். அவரது உடல் இரவில் துர்காகுண்டில் உள்ள ஆசிரமத்திற்கு கொண்டு வரப்பட்டது. சிவானந்த பாபாவின் உடலுக்கு இன்று (மே 04) ஹரிச்சந்திர காட்டில் இறுதிச் சடங்கு செய்யப்பட்டு தகனம் செய்யப்படும் என ஆசிரம சீடர்கள் தெரிவித்தனர்.