விருதுநகர்: வளர்ச்சி திட்ட பணிகளை ஆய்வு செய்த ஆட்சியர்

விருதுநகர் மாவட்டம், நரிக்குடி ஊராட்சி ஒன்றியத்திற்குட்பட்ட , நரிக்குடி ஊராட்சி ஒன்றியம், நரிக்குடியில் 15-வது நிதிக்குழு மானிய நிதியின் கீழ், ரூ. 57.80 இலட்சம் மதிப்பில், புதிதாக கட்டி முடிக்கப்பட்டுள்ள வட்டார பொது சுகாதார ஆய்வக கட்டடத்தினையும், நரிக்குடி ஊராட்சியில் அனைத்து கிராம அண்ணா மறுமலர்ச்சி திட்டத்தின் கீழ் ரூ. 16.55 இலட்சம் மதிப்பில் அங்கன்வாடி மையம் கட்டப்பட்டுள்ளதையும் மாவட்ட ஆட்சித்தலைவர் நேரில் சென்று பார்வையிட்டு ஆய்வு செய்தார். 

மறையூர் ஊராட்சியில், கலைஞரின் கனவு இல்லம் திட்டத்தின் கீழ், தலா ரூ. 3.50 இலட்சம் மானியத்தில் புதிய வீடுகள் கட்டப்பட்டு வருவதையும் பார்வையிட்டு ஆய்வு செய்து, பயனாளிகளிடம் கலந்துரையாடி கருத்துக்களை கேட்டறிந்தார்.

 டி. வேலன்குடி ஊராட்சி, பட்டமங்கலம் கிராமத்தில், மகாத்மா காந்தி தேசிய ஊரக வேலை உறுதித் திட்டத்தின் கீழ் ரூ. 2.50 இலட்சம் மதிப்பில் வரத்துக் கால்வாய் தூர்வாரப்பட்டு வருவதையும், கொட்டகாட்சியேந்தல் கிராமத்தில், மகாத்மா காந்தி தேசிய ஊரக வேலை உறுதித் திட்டத்தின் கீழ், ரூ. 28 இலட்சம் மதிப்பில், புதிதாக கட்டப்பட்டு வரும் ஊராட்சி மன்ற அலுவலகக் கட்டுமான பணிகளையும் மாவட்ட ஆட்சித்தலைவர் நேரில் சென்று பார்வையிட்டு ஆய்வு செய்தார்.