ஸ்ரீவில்லிபுத்தூர்: கஞ்சா விற்பனை செய்த பெண்உள்பட 4 பேர் கைது

ஸ்ரீவில்லிபுத்தூர் கஞ்சா விற்பனையில் ஈடுபட்ட பெண் உள்பட நான்கு பேர் கைது. 200 கிராம் கஞ்சா பறிமுதல்.
விருதுநகர் மாவட்டம்,
ஸ்ரீவில்லிபுத்தூர் மதுவிலக்கு பிரிவு போலீஸார் சிவகாசி மாநகராட்சி எல்லைக்குட்பட்ட பல்வேறு பகுதிகளில் ரோந்து பணியில் இருந்தனர். அப்போது திருத்தங்கல் இரயில்வே கேட் அருகே சந்தேகப்படும்படி நின்று கொண்டு இருந்து பெண் உள்பட நான்கு பேரை மது விலக்கு போலீஸார் விசாரணை நடத்தி சோதனை செய்தனர். அப்போது சோதனையில் திருத்தங்கல் பகுதியை சேர்ந்த வீரகுமார் (19), ஈஸ்வரபாண்டியன் (18), ரவி, ஸ்ரீவில்லிபுத்துார் பகுதியை சேர்ந்த சத்யா ஆகிய நான்கு பேரும் சேர்ந்து கஞ்சா பொட்டலங்களை மறைத்து வைத்து விற்பனை செய்து வந்தது கண்டறியப்பட்டன. மேலும் அவர்களிடமிருந்து 20 கஞ்சா பொட்டலங்கள் மற்றும் 200 கிராம் கஞ்சா, ரொக்கப் பணத்தை கைப்பற்றினர். பின்னர் ஸ்ரீவில்லிபுத்தூர் மதுவிலக்கு போலீஸார் நான்கு பேர் மீது வழக்கு பதிவு செய்து கைது செய்தனர்.