ஸ்ரீவி: தொழிலாளிக்கு 5 ஆண்டு சிறை தண்டனை....

விருதுநகர் மாவட்டம், வாலிபரை கொன்ற தொழிலாளிக்கு 5 ஆண்டு சிறை தண்டனை. ஸ்ரீவில்லிபுத்தூர் நீதிமன்றம் பரபரப்பு தீர்ப்பு.
வெம்பக்கோட்டை அருகே உள்ள நதிகுடியை சேர்ந்தவர் மணிகண்டன் (வயது 27). இவருக்கும் அதே பகுதியை சேர்ந்த முத்துராஜ் (38) என்பவருக்கும் முன் விரோதம் இருந்து வந்ததாகக கூறப்படுகிறது. இந்தநிலையில் மணிகண்டன் அருகே ஆத்தூர் உள்ள கிராம பகுதியில் சென்ற போது, அவரை முத்துராஜ் கத்தியால் குத்தியுள்ளார். இதில் படுகாயமடைந்த
மணிகண்டன் பரிதாபமாக இறந்தார். இதுகுறித்து மாரனேரி போலீசார் வழக்குப்பதிவு செய்து முத்துராஜை கைது செய்தனர். மேலும் இது குறித்து ஸ்ரீவில்லிபுத்தூரில் உள்ள மாவட்ட செசன்சு கோர்ட்டில் வழக்கு நடைப்பெற்று வந்தன. மேலும் வழக்கை விசாரித்த மாவட்ட நீதிபதி ஜெயக்குமார் வாலிபரை கொலை செய்த முத்துராஜூக்கு 5 ஆண்டுகள் சிறை தண்டனையும் ரூ. 2 ஆயிரம் அபராதமும் விதித்து பரபரப்பு தீர்ப்பு கூறினார்.