ஸ்ரீவி: இரயிலை கவிழ்க்க சதி. வட மாநில இளைஞர்கள் கைது..

ஸ்ரீவில்லிபுத்துார் இரயில்வே போலீஸார் அதிரடி நடவடிக்கை. 2 வட மாநில இளைஞர்கள் கைது. சங்கரன்கோவில் அருகே தண்டவாளத்தில் கல் வைத்து பொதிகை விரைவு ரயிலே கவிழ்க்க முயன்ற சத்தீஸ்கர் மாநில தொழிலாளர்கள் இருவர் கைது.
விருதுநகர் மாவட்டம், சங்கரன்கோவில் அருகே பாம்பகோவில்சந்தை ரயில் நிலையம் அருகே தண்டவாளத்தில் கல் வைத்து கவிழ்க்க முயன்ற சத்தீஸ்கர் மாநிலத்தை சேர்ந்த இரு தொழிலாளர்களை ஸ்ரீவில்லிபுத்தூர் ரயில்வே போலீஸார் கைது செய்து விசாரணை நடத்தி வருகின்றனர்.
செங்கோட்டை - சென்னை இடையே இயக்கப்படும் பொதிகை விரைவு ரயில் கடந்த 26-ம் தேதி சென்னை சென்ற போது, கடையநல்லூர் - பாம்பகோவில்சந்தை ரயில் நிலையங்களுக்கு இடையே சென்ற போது, தண்டவாளத்தில் இருந்த கல் மீது மோதி இன்ஜினின் முன் பக்க தகடு சேதமடைந்தது. இதுகுறித்து ஸ்ரீவில்லிபுத்தூர் ரயில்வே போலீஸார் வழக்கு பதிவு செய்து விசாரணை நடத்தி வந்தனர். மேலும் விசாரணையில் தண்டவாளத்தில் கல் வைத்த சம்பவத்தில் அதே பகுதியில் உள்ள கல் குவாரியில் பணியாற்றி வரும், சத்தீஸ்கர் மாநிலத்தை சேர்ந்த பால்சிங் பகேல்(21), ஈஸ்வர் மேடியா(23) ஆகிய இருவரை கைது செய்த ஸ்ரீவில்லிபுத்தூர் ரயில்வே போலீஸார் விசாரணை நடத்தி வருகின்றனர்.