சிவகாசி: கல்லூரி மாணவனை தாக்கிய 4 பேர் மீது வழக்கு...

சிவகாசி அருகே கல்லூரி மாணவன் மீது தாக்குதல். போலீஸ் விசாரணை.
விருதுநகர் மாவட்டம்,
சிவகாசி அருகே 18 வயது இளைஞர் சாத்தூரில் உள்ள ஒரு கல்லூரியில் படித்து வருகிறார். இவர் சம்பவத்தன்று தனது கிராமத்தை சேர்ந்த உத்தமராஜா என்பவருக்கு சொந்தமான இடத்தில் வைத்து மது குடித்ததாக கூறப்படுகி றது. இதனை உத்தமராஜா தட்டி கேட்டுள்ளார். இதில் இவருக்கும் தகராறு ஏற்பட்டது. தொடர்ந்து உத்தமராஜா தனது ஆதரவாளர்கள் செல்வம், ஜெயக்குமார், மாரீஸ்வரன் ஆகியோருடன் அந்த பகுதியில் உள்ள மதுக்கடையின் அருகில் நின்று கொண்டிருந்த கல்லூரி மாணவனை பீர் பாட்டிலால் தாக்கி காயப்படுத்தி உள்ளனர். இதில் காயம் அடைந்த கல்லூரி மாணவனை சிவகாசி அரசு மருத்துவமனையில் சிகிச்சைக்காக சேர்க்கப்பட்டன. இச்சம்பவம் குறித்து மாரனேரி போலீசார் உத்தமராஜா உள்ளிட்ட 4 பேர் மீது வழக்குபதிவு செய்து விசாரணை நடத்தி வருகின்றனர்.