சிவகாசி: கஞ்சா விற்பனையில் ஈடுபட்ட 2 இளைஞர்கள் கைது...

சிவகாசி அருகே கஞ்சா விற்பனையில் ஈடுபட்ட 2 இளைஞர்கள் கைது. இருசக்கர வாகனம் மற்றும் கஞ்சா பறிமுதல்.
விருதுநகர் மாவட்டம்,
சிவகாசி அருகே திருத்தங்கல் to விருதுநகர் செல்லும் சாலையில் வடமலாபுரம் பாலத்தின் கீழே கஞ்சா விற்பனை செய்வதாக திருத்தங்கல் காவல் நிலையத்திற்கு தகவல் வந்தன. மேற்படி தகவலின் பேரில் சார்பு ஆய்வாளர் பாண்டியராஜன் தலைமையில் போலீஸார் சம்பவ இடத்திற்கு நேரில் சென்று சோதனை மேற்கொண்டனர். சோதனையில் குமாரலிங்கபுரம் கிழக்கு தெருவை சேர்ந்த ரவி மற்றும் அருண்குமார் ஆகிய இளைஞர்கள் இருசக்கர வாகனத்தில் வைத்து கஞ்சா விற்பனை செய்து வந்தனர். மேலும் அவர்களிடமிருந்து 150 கிராம் கஞ்சா மற்றும் இருசக்கர வாகனத்தை பறிமுதல் செய்த போலீஸார் திருத்தங்கல் காவல் நிலையத்தில் அவர்கள் மீது வழக்கு பதிவு செய்து கைது செய்து விசாரணை நடத்தி வருகின்றனர்.