டாரஸ் லாரி-பெட்ரோல் டேங்கர் லாரி மோதி விபத்து

கிளியனூர் அருகே சாலையோரம் நின்றிருந்த டாராஸ் லாரி பின்புறம், பெட்ரோல் ஏற்றி சென்ற டேங்கர் லாரி மோதிய விபத்தில் லாரிக்குள் சிக்கிக்கொண்ட டிரைவர் உட்பட இருவரை போலீசார் போராடி மீட்டனர்.
திண்டிவனம்-புதுச்சேரி பைபாஸ் சாலையில், தென்கோடிப்பாக்கம் மேம்பாலத்தின் மேல் ஜல்லி ஏற்றிச்சென்ற டிப்பர் லாரி நேற்றிரவு 8;30 மணிக்கு, திடீரென பஞ்சராகி சாலையோரம் நின்றது. அப்போது, திண்டிவனம் மார்க்கத்தில் இருந்து புதுச்சேரி நோக்கி பெட்ரோல் ஏற்றிச்சென்ற டேங்கர் லாரி, அந்த டிப்பர் லாரியின் பின்பக்கமாக பயங்கரமாக மோதி விபத்துக்குள்ளானது. இதில், டேங்கர் லாரியின் முன்பக்கம் பயங்கர சேதமடைந்ததோடு மட்டுமில்லாமல், விபத்தில், பலத்த காயமடைந்து லாரிக்குள் டிரைவர், கிளினர் ஆகியோர் சிக்கிக்கொண்டனர். இதுபற்றி தகவலறிந்த ரோந்து போலீசார் மற்றும் கிளியனூர் இன்ஸ்பெக்டர் பாலமுரளி மற்றும் தீயணைப்பு வீரர்கள் சம்பவ இடத்திற்கு விரைந்து சென்று, விபத்தில் சிக்கிய இருவரையும் போராடி மீட்டு, புதுச்சேரி ஜிப்மர் மருத்துவமனைக்கு அனுப்பி வைத்தனர்.


விபத்தில் சிக்கியவர்கள் கடலூர் அருங்குணம் பகுதியை சேர்ந்த கிளீனர் புஷ்பராஜ், மேல்பட்டாம்பாக்கம் பகுதியை சேர்ந்த டிரைவர் பிரகாஷ் என்று தெரிய வந்தது. இந்த விபத்தால், திண்டிவனம்-புதுச்சரேி பைபாஸ் சாலையில் அரை மணி நேரம் போக்குவரத்து பாதிக்கப்பட்டது.