சிறுமி மீது மோதிய டூவீலர் - பரபரப்பு சிசிடிவி வீடியோ

வேலூர் அடுத்த கொணவட்டம் பகுதியில் மதினா நகர் செல்லும் சாலையில் ஆசிப் என்பவர் மளிகை கடை நடத்தி வருகிறார். இவரின் 10 வயது மகள் ஆலிஃபா சாலையை கடக்கும் முயன்றுள்ளார்.

அப்போது அந்த வழியே வந்த அதே பகுதியைச் சேர்ந்த முகர்ஃப் என்பவரின் டூவீலர் சிறுமி மீது மோதியுள்ளது. விபத்தில் காயம் அடைந்த 10 வயது சிறுமி வேலூர் சிஎம்சி மருத்துவமனையில் அனுமதிக்கப்பட்ட சிகிச்சை எடுத்து வருகிறார். விபத்து தொடர்பான சிசிடிவி காட்சிகள் தற்போது வெளியாகி உள்ளது.

மேலும், சாலையில் வேகத்தடை இல்லாததால் அடிக்கடி இதுபோன்ற விபத்து நடப்பதாக கோரிக்கை வைத்தும் அதிகாரிகள் நடவடிக்கை எடுக்கவில்லை என்றும், இனியாவது வேகத்தடை அமைத்து விபத்துகளை குறைக்க வழிவகை செய்ய வேண்டும் என்றும் அப்பகுதி மக்கள் கோரிக்கை விடுத்துள்ளனர்.