காரில் வந்து ஆடுகள் திருட்டு - சிசிடிவி வீடியோ வெளியீடு!

வேலூர் கணியம்பாடி அடுத்த மேல்வல்லம் பகுதியை சேர்ந்தவர் கோடீஸ்வரன். ஆடுகளை வளர்த்து வரும் இவரின் வீட்டின் முன்பு உள்ள ஆடு பட்டியில் இருந்த ஒரு கெடா ஆட்டை மர்ம நபர்கள் புதன்கிழமை நள்ளிரவு 12 மணியளவில் திருடி சென்றுள்ளனர்.

தொடர்ச்சியாக ஊருக்குள் சென்ற மருமன் அவர்கள் பவானி என்பவரின் இரண்டு ஆடுகளை திருடி காரில் தப்பி சென்றுள்ளனர். இது தொடர்பான வீடியோ அங்குள்ள சிசிடிவி கேமராக்களில் பதிவாகியுள்ளது. சிசிடிவி காட்சி ஆதாரத்துடன் ஆட்டின் உரிமையாளர்கள் வேலூர் தாலுகா காவல் நிலையத்தில் புகார் அளித்துள்ளனர்.

புகாரின் பேரில் போலீசார் வழக்கு பதிவு செய்து காரில் வந்து ஆடுகளை திருடி சென்ற மர்ம கும்பலை வலை வீசி தேடி வருகின்றனர்.