தலைமை ஆசிரியருக்கு நல்லாசிரியர் விருது வழங்கிய அமைச்சர்.

பள்ளிக் கல்வித்துறை சார்பில் இந்த ஆண்டுக்கான நல்லாசிரியர் விருது 386 ஆசிரியர்களுக்கு வழங்கப்பட்டது. நம்நாட்டில் மறைந்த முன்னாள் குடியரசுத் தலைவர் ராதாகிருஷ்ணனின் பிறந்த நாளான செப்டம்பர் 5-ம் தேதி ஆண்டுதோறும் ஆசிரியர் தினமாக கொண்டாடப்பட்டு வருகிறது. இந்த நாளில் ஆசிரியர் பணியை அறப்பணி என்பதற்கு ஏற்ப மாணவர்களின் நலனின் அக்கறை கொண்டு செயல்பட்ட சிறந்த ஆசிரியரை தேர்வு செய்து, டாக்டர் ராதாகிருஷ்ணன் விருது வழங்கி தமிழக அரசு கவுரப்படுத்தி வருகிறது.  
அதன் அடிப்படையில் திருவண்ணாமலை மாவட்டம் வந்தவாசி அடுத்த தெள்ளார் ஜோதி நிதி உதவி தொடக்கப்பள்ளி தலைமை ஆசிரியர் சீனிவாசனுக்கு இன்று டாக்டர் ராதாகிருஷ்ணன் நல்லாசிரியர் விருது பள்ளிக் கல்வித் துறை அமைச்சர் அன்பில் மகேஷ் பொய்யா மொழி தலைமையில் வழங்கப்பட்டது இந்நிகழ்வில் பாடநூல் கழக தலைவர் திண்டுக்கல் ஐ. லியோனி உள்ளிட்ட பலர் கலந்து கொண்டனர்.