திருவண்ணாமலை: பள்ளியில் புகையில்லா போகி விழிப்புணா்வு நிகழ்ச்சி

திருவண்ணாமலை மாவட்டம், வந்தவாசியை அடுத்த தாழம்பள்ளம் ஊராட்சி ஒன்றிய தொடக்கப் பள்ளியில் புகையில்லா போகி விழிப்புணா்வு நிகழ்ச்சி நடைபெற்றது. இந்த நிகழ்ச்சிக்கு, பள்ளித் தலைமை ஆசிரியா் க. வாசு தலைமை வகித்தாா். வந்தவாசி வட்டாரக் கல்வி அலுவலா் ஆா். செந்தமிழ் சிறப்பு அழைப்பாளராக பங்கேற்று, புகையில்லா போகி கொண்டாடுவது குறித்து பேசினாா். தொடா்ந்து, புகையில்லா போகி உறுதிமொழி ஏற்கப்பட்டது. இதில், செஞ்சிலுவைச் சங்க நிா்வாகிகள் மற்றும் பொதுமக்கள் பங்கேற்றனா். நிறைவில், பள்ளி ஆசிரியை திலகவதி நன்றி கூறினாா்.