செய்யாறு அருகே ரேஷன் கடை கட்ட பூமி பூஜை.

திருவண்ணாமலை மாவட்டம் செய்யாறு அடுத்த அனக்காவூர் ஊராட்சி ஒன்றியத்திற்கு உட்பட்ட மேல்மா ஊராட்சி அய்யவாடி கிராமத்தில் புதிய ரேஷன் கடை மற்றும் கூத்து மேடை ஆகிய கட்டிடங்கள் கட்டுவதற்கான பூமி பூஜை நடைபெற்றது. இந்நிகழ்வில் சிறப்பு விருந்தினராக செய்யாறு சட்டமன்ற உறுப்பினர் ஜோதி கலந்து கொண்டு பூமி பூஜை செய்து பணியை துவக்கி வைத்தார். அதனைத் தொடர்ந்த அய்யவாடி கிராமத்தில் திமுக கொடி ஏற்றி பொதுமக்களுக்கு இனிப்பு வழங்கினார். நிகழ்வில் உடன் அனக்காவூர் ஊராட்சி ஒன்றிய குழு தலைவர் திலகவதி ராஜ்குமார், மாவட்ட ஊராட்சி குழு தலைவர் பார்வதி சீனிவாசன், மாவட்ட துணை செயலாளர் லோகநாதன், ஒன்றிய செயலாளர் முருகன் உள்ளிட்ட பலர் கலந்து கொண்டனர்.