மடத்துக்குளம் அருகே பள்ளி மாணவ மாணவிகள் உலக சாதனை!

திருப்பூர் மாவட்டம் மடத்துக்குளம் அடுத்த ஓட்டமடம் பகுதியில் உள்ள யுனைடெட் பப்ளிக் பள்ளியில் 563 மாணவ மாணவியர்கள் இணைந்து இன்று மகிழ்ச்சிக்கு முன்னுரிமை கொடுத்து
ஐக்கிய நாடு சபைகளில் அறிவிக்கப்பட்ட சர்வதேச மகிழ்ச்சி தினத்தை கொண்டாடும் விதமாக சிரிப்பு சின்னமான ஸ்மைலி முக (Smiley face) வடிவில் அமர்ந்து உலக சாதனை முயற்சி மேற்கொண்டனர். இதை அடுத்து வேர்ல்ட் வைல்டு புக் ஆப் ரெக்கார்ட்ஸ் (World Wide Book Of Records) என்ற உலக சாதனை புத்தகத்தில் இந்நிகழ்வு சமர்ப்பிக்கப்பட்டிருந்த நிலையில் சாதனை முயற்சியினை அங்கீகரித்து பங்கேற்ற மாணவ மாணவியர்களுக்கு வேர்ல்ட் வைல்ட் புக் ஆப் ரெக்கார்ட் (World Wide Book Of Records) அமைப்பின் சார்பில் சான்றிதழ் மற்றும் பதக்கங்கள் வழங்கப்பட்டது

இந்த உலக சாதனை நிகழ்ச்சியில் பங்கேற்றது மிகுந்த மகிழ்ச்சி அளிப்பதாகவும் அனைவருமே மகிழ்ச்சியாக எப்பொழுதும் இருக்க வேண்டும் எனவும் உலக சாதனை நிகழ்ச்சியில் பங்கேற்ற மாணவ மாணவியர்கள் பெருமிதத்தோடு தெரிவித்தனர்.