இந்து கோவிலுக்கு சீர்வரிசை கொண்டு சென்ற இஸ்லாமியர்கள்

திருப்பூர் மாவட்டம் பல்லடம் அடுத்த மங்கலத்தில் ஸ்ரீ தேவி, பூமாதேவி, ஆதிகேசவ பெருமாள் திருக்கோவில் கும்பாபிஷேக விழா வெகு விமர்சையான முறையில் நடைபெற்றது. இந்த நிலையில் கோவில் நிர்வாகம் சார்பில் கொடுத்த அழைப்பை ஏற்று அப்பகுதியை சார்ந்த இஸ்லாமிய மக்கள் நூற்றுக்கும் மேற்பட்டோர் நேற்று அந்த கோவிலுக்கு பழம், தாம்பூல தட்டு, பூ, இனிப்பு வகைகள் உள்ளிட்ட சீர்வரிசைகளை எடுத்து வந்து கோவில் நிர்வாகத்தினரிடம் கொடுத்தனர்.  இதனையடுத்து கோவில் நிர்வாகத்தினர் இஸ்லாமிய மக்களுக்கு மாலை அணிவித்து முதல் மரியாதை செய்தனர் மேலும் இஸ்லாமிய மக்கள் கோவில் கமிட்டி நிர்வாகிகளுக்கு பொன் ஆடை அணிவித்து மரியாதை செலுத்தினர். மேலும் இந்த நிகழ்ச்சியில் திரளான பொதுமக்கள் கலந்து கொண்டு சாமி தரிசனம் செய்தனர். பல்லடம் அருகே இந்து கோவிலுக்கு இஸ்லாமிய மக்கள் சீர்வரிசை வழங்கிய சம்வம் அப்பகுதி மக்களிடையே நெகிழ்ச்சியை ஏற்படுத்தியுள்ளது.