முன்னாள் டிஜிபி சைலேந்திரபாபு மாணவர்களிடையே சிறப்புரை

நத்தக்காடையூரில் காங்கேயம் குரூப் ஆஃப் இன்ஸ்டிடியூஷன் கல்லூரி மற்றும் ரோட்டரி காங்கேயம் டவுன் சார்பில் "வெற்றிக்கு வித்திடுவோம்" என்ற நிகழ்ச்சி நடைபெற்றது. சிறப்பு விருந்தினராக முன்னாள் டிஜிபி சைலேந்திரபாபு ஐபிஎஸ் கலந்து கொண்டார். 43 பள்ளிகளில் இருந்து 2600 மாணவ மாணவியர்கள் கலந்து கொண்டனர். மாணவர்களிடையே பேசிய சைலேந்திரபாபு மனிதனை சிந்திக்க செய்வதும், தனிமனித வாழ்வை சிறக்க செய்வதும் கல்வி என்றும், லட்சியங்கள், எண்ணங்கள் நிறைவேறும் நாளே சிறந்த நாள் என தெரிவித்தார். மேலும் நிகழ்ச்சியின் போது மாணவ மாணவிகளிடையே கேள்விகள் கேட்டு அதற்கு சரியான பதில் அளிக்கும் மாணவ மாணவியர்களுக்கு புத்தகங்கள் பரிசாக வழங்கினார். 2024 -ம் ஆண்டு நடைபெற்ற தேர்வில் அதிக மதிப்பெண் பெற்ற ஒவ்வொரு பள்ளிகளின் முதல் மூன்று மாணவ - மாணவிகளுக்கு பரிசுகள் வழங்கப்பட்டது. மேலும் அதிக மதிப்பெண் பெற பயிற்சி அளித்த ஆசிரியர்களுக்கு நல்லாசிரியர் விருதுகள் வழங்கப்பட்டது.  விழாவில் மாணவ மாணவிகளிடையே பன்னிரண்டாம் வகுப்பு பொதுத் தேர்வில் அதிக மதிப்பெண் பெற்று வெற்றி பெறுவது குறித்தும் சிறப்புரைகள் வழங்கப்பட்டது.   இந்நிகழ்வில் ரோட்டரி காங்கேயம் டவுன் நிர்வாகிகள், ரோட்டரி திருப்பூர் மாவட்ட கவர்னர் Dr. சுரேஷ் பாபு, அஸ்வின் , காங்கேயம் குழும கல்வி நிறுவனங்களின் தலைவர் ராமலிங்கம் தலைமை தாங்கினார்.