அவினாசி: ரூ. 14½ லட்சத்திற்கு பருத்தி ஏலம்

அவினாசி வேளாண்மை உற்பத்தியாளர் கூட்டுறவு விற்பனைச் சங்கத்தில் வாரம் தோறும் புதன்கிழமை பருத்தி ஏலம் நடைபெறும். அந்த வகையில் நேற்று நடந்த பருத்தி ஏலத்திற்கு 707 மூட்டை பருத்தி கொண்டு வரப்பட்டது. இதில் ஆர்.சி.எச். ரகப்பருத்தி குவிண்டால் ரூ.6,500 முதல் ரூ.7,700 வரையிலும், மட்ட ரகப்பருத்தி குவிண்டால் ரூ.1,500 முதல் ரூ.2,500 வரையிலும் வியாபாரிகள் ஏலத்தில் எடுத்தனர். ஏலத்தின் மொத்த மதிப்பு ரூ.14.40 லட்சம். இந்த தகவலை சங்க நிர்வாகிகள் தெரிவித்துள்ளனர்.