திருச்சியில் போதை மாத்திரை விற்ற இருவர் கைது

திருச்சி அரியமங்கலம் கள்ளன்குத்து அருகே அரியமங்கலம் போலீசார் ரோந்து சென்றனர். அப்போது சந்தேகத்தின் அடிப்படையில் அப்பகுதியில் நின்று கொண்டிருந்த இரண்டு வாலிபர்களை பிடித்து விசாரணை நடத்தினர். 

போலீசார் விசாரணையில் அவர்கள் அரியமங்கலம் காமராஜ் நகரைச் சேர்ந்த ரவுடியான பைசூதீன், காட்டூர் கண்ணதாசன் தெருவைச் சேர்ந்த முத்துமணி என்பதும் தெரியவந்தது. மேலும் அவர்களிடம் சோதனை இட்டதில் ரூபாய் 1500 மதிப்புள்ள 100 டைட்டான் போதை மாத்திரைகளை விற்பனைக்கு வைத்திருந்ததும் தெரியவந்தது. இதைத் தொடர்ந்து போதை மாத்திரைகளை பறிமுதல் செய்த போலீசார் இரண்டு பேர் மீது வழக்கு பதிவு செய்து கைது செய்தனர்.