முசிறியில் மறியல் போராட்டத்தில் ஈடுபட்ட 54 ஆசிரியர்கள் கைது செய்யப்பட்டனர். திருச்சி மாவட்டம், முசிறி அரசு ஆண்கள் மேல்நிலைப் பள்ளியில் ஊராட்சி ஒன்றிய நடுநிலைப்பள்ளி தலைமை ஆசிரியர்களுக்கான பணி மாறுதல் கலந்தாய்வு கூட்டம் நடைபெற்று வருகிறது. இந்நிலையில் தமிழ்நாடு தொடக்க கல்வி ஆசிரியர் இயக்கங்களின் கூட்டு நடவடிக்கை குழு டிட்டோஜாக் சார்பில் அரசாணை 243-ஐ ரத்து செய்ய வலியுறுத்தியும், பதவி உயர்வு தொடர்பான உச்ச நீதிமன்ற வழக்கு முடியும் வரை பணி மாறுதல் கலந்தாய்வு நடவடிக்கைகளை நிறுத்தி வைக்க வலியுறுத்தியும், கலந்தாய்வு நடைபெறும் அரசு ஆண்கள் மேல்நிலை பள்ளி முன்பு முசிறி - திருச்சி சாலையில் சாலை மறியல் போராட்டம் மாவட்ட ஒருங்கிணைப்பாளர் நாகராஜ் தலைமையில் நடைபெற்றது. இதையடுத்து சாலை மறியலில் ஈடுபட்ட 15 பெண் ஆசிரியைகள் உட்பட 54 ஆசிரியர்கள் கைது செய்யப்பட்டனர். ஆசிரியர்கள் நடத்திய திடீர் சாலை மறியல் போராட்டம் அப்பகுதியில் பரபரப்பை ஏற்படுத்தியது.