அமைச்சர் அனிதா டெல்லி பயணம்: மீனவர் சங்கம் விளக்கம்!

அமைச்சர் அமைச்சர் அனிதா ராதாகிருஷ்ணன் தருவைகுளம் மீனவர்களுக்காகத்தான் டெல்லி சென்றார் என்ற சமூக பிரிவினையை உருவாக்கும் பரப்புரையை வன்மையாக கண்டிக்கின்றோம் என்று அகில இந்திய மீனவர் சங்கம்ம் விளக்கம் அளித்துள்ளது.


வெளியுறவுத் துறை அமைச்சர் ஜெய்சங்கரை தமிழ்நாடு மீன் வளத்துறை அமைச்சர் அனிதா ராதாகிருஷ்ணன் கடந்த ஆகஸ்டு 6ஆம் தேதி டெல்லியில் சந்தித்தார். அதில் தமிழக மீனவர் பிரச்சனை தொடர்பாக மத்திய அரசு மேற்கொள்ள வேண்டிய நடவடிக்கைகள் குறித்து வலியுறுத்தினார் என்று செய்திகள் வெளியானது.


ஆனால், ஜூலை 31 ம் தேதி பாதிக்கப்பட்ட இராமேஸ்வரம் மீனவர்களுக்கு குரல் கொடுக்காமல், ஆகஸ்டு 5ம் தேதி இரவு தூத்துக்குடி தருவைகுளம் மீனவர்கள் 22 பேர் இலங்கை கடற்படையால் கைது செய்யப்பட்டதற்காக, அமைச்சர் அனிதா ராதா கிருஷ்ணன் உடனடியாக டெல்லி சென்றார் என்றும், மீனவர்கள் இடையே சமூக ரீதியில் அமைச்சர் அனிதா ராதா கிருஷ்ணன் பாகுபாடு பார்ப்பதாக செய்திகள் சமூக வலைதளங்களில் பரவி பரபரப்பை கிளப்பியது.