தூத்துக்குடி: தமிழக வெற்றிக் கழகம் சார்பில் நலத்திட்ட உதவிகள்

தூத்துக்குடியில் புத்தாண்டை முன்னிட்டு தமிழக வெற்றி கழகம் சார்பில் பல்வேறு நலத் திட்ட உதவிகள் வழங்கப்பட்டன. 2025 ஆம் ஆண்டு புத்தாண்டை முன்னிட்டு தமிழக வெற்றி கழகம் சார்பில் தூத்துக்குடி அரசு மருத்துவமனையில் பிறந்த குழந்தைகள் அனைவருக்கும் புத்தாடை, பவுடர், சோப்பு, எண்ணெய் அடங்கிய பரிசு பெட்டகத்தை தூத்துக்குடி மாவட்ட பொறுப்பாளர் அஜிதா ஆக்னல் வழங்கினார். 

இதனை தொடர்ந்து, மில்லர்புரம் அருகே உள்ள சிலோன் காலனி பகுதியில் வசித்து வரும் ஏழை மக்களுக்கு மதிய உணவு பிரியாணி வழங்கினார். முன்னதாக, தூத்துக்குடி சங்கர ராமேஸ்வரர் திருக்கோவில், ஜாமியா பள்ளிவாசல், தூத்துக்குடி சின்னகோவிலில் பிரார்த்தனை செய்தனர். இந்நிகழ்ச்சிகளில் தமிழக வெற்றி கழக நிர்வாகிகள் பலர் கலந்து கொண்டனர்.