தூத்துக்குடி: திமுக நிர்வாகிகளுடன் முதல்வர் ஸ்டாலின் ஆலோசனை

தூத்துக்குடியில் திமுக நிர்வாகிகளுடன் கலந்தாய்வுக் கூட்டம் திருச்செந்தூர் சாலையில் உள்ள மாணிக்க மஹால் திருமணம் மண்டபத்தில் நடைபெற்றது. கலந்தாய்வு கூட்டத்தில் தமிழக முதல்வர் முக ஸ்டாலின் பேசும்போது கடந்த பாராளுமன்றத் தேர்தலில் 2019 தேர்தலில் பெற்ற வாக்குகளை அதைத் தொடர்ந்து 2024 நடைபெறவிருக்கும் தேர்தலில் பெறப்படும் வாக்குகள் குறித்தும் இதுபோல் கடந்த 2016 சட்டமன்றத் தேர்தலில் பெற்ற வாக்குகளையும் தொடர்ந்து 2021 சட்டமன்றத் தேர்தலில் திமுக மற்றும் திமுக கூட்டணி கட்சிகள் பெற்ற வாக்கு சதவீதங்களை கோடிட்டு பேசினார். 

அப்போது கடந்த தேர்தலில் திருவைகுண்டம், திருச்செந்தூர் உள்ளிட்ட பகுதிகளில் குறைவான வாக்குகள் பெற்றதை குறித்து கேள்வி எழுப்பிய முதல்வர் முக ஸ்டாலின் அதிக வாக்குகள் பெற்ற நிர்வாகிகளுக்கு பாராட்டு தெரிவித்தார். மேலும் கடந்த சட்டமன்றத் தேர்தலில் கோவில்பட்டி சட்டமன்றத் தொகுதியில் திமுக கூட்டணி கட்சி தோல்வி அடைந்ததை குறித்து கேள்வி எழுப்பிய முதல்வர், வரும் 2026 சட்டமன்றத் தேர்தலில் தூத்துக்குடி மாவட்டத்தில் உள்ள கோவில்பட்டி உள்ளிட்ட 6 சட்டமன்றத் தொகுதிகளிலும் திமுக கூட்டணி கட்சிகள் வெற்றி பெற வேண்டும் என நிர்வாகிகளிடம் கேட்டுக் கொண்டார்.