திருவாரூர்: தொழில் தொடங்க சிறுபான்மையினருக்கு திருவாரூர் கலெட்டர் அழைப்பு

திருவாரூர் மாவட்டத்தில் வசித்து வரும் சிறுபான்மையினருக்கு தமிழ்நாடு சிறுபான்மையினர் பொருளாதார மேம்பாட்டு கழகம் மூலம் செயல்படுத்தப்படும் தனிநபர் கடன், சுய உதவிக்குழுக்களுக்கான சிறுதொழில் கடன், கைவினைக் கலைஞர்களுக்கான கடன், கல்வி கடன் உள்ளிட்ட திட்டங்கள் செயல்படுத்தப்படுகிறது. 

இதில் திட்டம் 1-ன் கீழ் பயன்பெற விரும்புவோர் குடும்ப ஆண்டு வருமானம் நகர் பகுதி மற்றும் கிராம பகுதியில் உள்ளவர்கள் ரூ. 3 லட்சத்திற்கு மிகாமல் இருத்தல் வேண்டும். திட்டம் 2-ன் கீழ் பயன்பெற குடும்ப ஆண்டு வருமானம் ரூ. 8 லட்சத்திற்கு மிகாமல் இருக்க வேண்டும். திட்டம் 1-ன் கீழ் தனிநபர் கடன் ஆண்டிற்கு 6% வட்டி விகிதத்திலும் அதிகபட்ச கடனாக ரூ. 20 லட்சமும், திட்டம் 2-ன் கீழ் ஆண்களுக்கு 8% பெண்களுக்கு 6% வட்டி விகிதத்திலும் அதிகபட்ச கடனாக ரூ. 30 லட்சமும் கடனாக வழங்கப்படுகிறது. கைவினைக் கலைஞர்களுக்கு ஆண்களுக்கு 5 சதவிகிதம், பெண்களுக்கு 4% வட்டி விகிதத்திலும் அதிகபட்ச கடனாக ரூ. 10 லட்சம் கடனாக வழங்கப்படுகிறது.