தவெக வில் பொறுப்புகள் வழங்க பணம்: ஆடியோ லீக்

தமிழக வெற்றி கழக தலைவர் விஜய் கட்சியில் பொறுப்புகள் நியமிப்பதற்கு யாரிடமும் பணம் பெறக்கூடாது என உத்தரவு பிறப்பித்துள்ள நிலையில் திருவள்ளூர் தெற்கு மாவட்டத்தில் மாவட்டச் செயலாளர் பிரகாசம் என்கின்ற குட்டி மாவட்ட இணைச் செயலாளர் பதவிக்கு 5 லட்சமும் மாவட்ட பொருளாளர் பதவிக்கு 3 லட்சமும் மாவட்ட துணைச் செயலாளர் பதவிக்கு 2 லட்சமும் செயற்குழு உறுப்பினர்களுக்கு தலா 80 ஆயிரம் என அவருடன் இருக்கும் நவீன் குமார் என்பவரை வைத்து வசூல் செய்வதாக குற்றச்சாட்டு எழுந்துள்ள இந்த நிலையில் தற்போது சமூக வலைதளங்களில் ஆடியோ ஒன்று வைரலாக பரவி வருகிறது. அதில் கடம்பத்தூர் பகுதியைச் சேர்ந்த சஞ்சய் என்பவர் த. வெ. க. கட்சி நிர்வாகிக்கு செயற்குழு உறுப்பினர் பதவி அளிக்க 80 ஆயிரம் பேசி அதில் ஏற்கனவே 40 ஆயிரம் ரூபாய் வழங்கப்பட்டுள்ளதாகவும் மீதமுள்ள 40 ஆயிரம் ரூபாயை எப்படி வழங்குவது என பேசும் ஆடியோ வெளியாகி இருக்கிறது. அதேபோல் திருவள்ளூர் பகுதியில் வினோத் என்கின்ற நிர்வாகியை பணம் கேட்டு தர மறுத்ததால் அவர் மிரட்டியதாக அவருடைய அம்மா மகளிர் அணியினருக்கு தொலைபேசியில் தொடர்பு கொண்டு மாவட்ட நிர்வாகி குட்டியை திட்டும் ஆடியோவும் வைரலாகி திருவள்ளூர் மாவட்டத்தில் பெரும் பரபரப்பை ஏற்படுத்தியுள்ளது