தத்ரூபமான விழிப்புணர்வு ஏற்படுத்திய காவல்துறை

திருநெல்வேலி மாவட்டம் நாங்குநேரி பகுதியில் தலைக்கவசம் குறித்து போலீசார் பல்வேறு விழிப்புணர்வு ஏற்படுத்தி வருகின்றனர். அந்த வகையில் இன்று(செப்.7) நாங்குநேரி பஸ் நிலையத்தில் ஹெல்மெட் அவசியம் குறித்து விழிப்புணர்வு நாங்குநேரி உதவி காவல் கண்காணிப்பாளர் பிரசன்ன குமார் தலைமையில் நடைபெற்றது.

இதில் இரு சக்கர வாகனங்களில் வருபவர்கள் நேருக்கு நேர் மோதி கீழே விழுகின்றனர். இரு தரப்பினரும் ஹெல்மெட் அணிந்து இருந்ததால் காயம் இன்றி உயிர்த்தப்பும் காட்சியில் தத்ரூபமாக நடித்துக் காட்டியுள்ளனர். இதனை அப்பகுதியில் உள்ள பொதுமக்கள் பார்த்து தலைக்கவசம் அணிவது என உறுதி ஏற்றனர்.