உத்தமபாளையம் முன்னாள் முதல்வர் கருணாநிதி பிறந்த நாள் விழா

உத்தமபாளையம் அருகே முன்னாள் முதல்வர் கருணாநிதியின் பிறந்தநாளை முன்னிட்டு முதியோருக்கு இலவச சேவை வழங்கியும், மலர் தூவி இனிப்பு வழங்கியும் கொண்டாடிய கட்சி நிர்வாகிகள்.

இன்று தமிழக முழுவதும் முன்னாள் முதல்வர் கருணாநிதி அவர்களின் பிறந்தநாளை திராவிட முன்னேற்றக் கழக கட்சி நிர்வாகிகள் மற்றும் தொண்டர்கள் வெகு விமர்சையாக கொண்டாடி வருகின்றனர்.

இதன் தொடர்ச்சியாக தேனி மாவட்டம் உத்தமபாளையம் அருகே உள்ள அனுமந்தன்பட்டி, புதுப்பட்டி ஆகிய ஊர்களில் கட்சி நிர்வாகிகள் கருணாநிதி அவர்களின் திருவுருவப்படத்திற்கு மலர் ப தூவியும், பொதுமக்களுக்கு இனிப்புகள் வழங்கியும் தங்களது மகிழ்ச்சியை வெளிப்படுத்தினர்.

இதேபோன்று தேனி மாவட்டம் சின்னமனூர் அருகே உள்ள சின்ன ஓவுலாபுரத்தில் சின்னமனூர் ஒன்றிய செயலாளர் அண்ணாதுரை தலைமையில் சுமார் நூற்றுக்கும் மேற்பட்ட முதியோருக்கு மற்றும் தூய்மை பணியாளருக்கு சேலை மற்றும் இனிப்புகள் வழங்கியும் தங்களின் மகிழ்ச்சியை கொண்டாடினார்கள்.

இந்த நிகழ்ச்சியில் ஒன்றிய, நகர, பேரூர் கழக நிர்வாகிகள் என ஏராளமானோர் கலந்து கொண்டனர்.