பட்டுக்கோட்டையில் ரூ. 47 லட்சம் செலவில் வளர்ச்சி பணிகள்
தஞ்சாவூர் மாவட்டம், பட்டுக்கோட்டையில் எம். எல். ஏ. தொகுதி மேம்பாட்டுத் திட்டத்தின் கீழ் ரூ. 47 லட்சம் செலவில் வளர்ச்சி பணிகளை அண்ணாதுரை எம். எல். ஏ. தொடங்கி வைத்தார். பட்டுக்கோட்டை நகராட்சியில் எம். எல். ஏ. தொகுதி மேம்பாட்டுத் திட்ட நிதியின் கீழ் பட்டுக்கோட்டை அரசு ஆண்கள் மாதிரி மேல்நிலைப்பள்ளியில் 30 ஆயிரம் லிட்டர் கொள்ளளவு கொண்ட மேல்நிலை நீர்த்தேக்க தொட்டி ரூ. 17. 35 லட்சம் மதிப்பிலும், நகராட்சி தட்டான் குளம் பகுதியில் சமூக இடுகாட்டுக்கு ரூ. 30 லட்சம் செலவில் சுற்றுச்சுவர் அமைக்கும் பணி தொடக்க விழாவும் நேற்று (நவம்பர் 14) காலை நடைபெற்றது. அண்ணாதுரை எம். எல். ஏ. தலைமை தாங்கி திட்டப்பணிகளை தொடங்கி வைத்தார். நிகழ்ச்சியில் நகர சபை தலைவர் சணமுகப்பிரியா செந்தில்குமார், நகராட்சி ஆணையர் கனிராஜ். என்ஜினீயர் சித்ரா, முன்னாள் நகரசபை தலைவர் ஜெயபாரதி விசுவநாதன், வக்கீல் ராமசாமி, நகர சபை உறுப்பினர்கள் நளினி கோபி, ஜெயராமன் மற்றும் வார்டு மக்கள் கலந்து கொண்டனர்.
