வீரர்களுக்கு விளையாட்டு மேம்பாட்டு துறை அமைச்சர் வாழ்த்து

இத்தாலி நாட்டில் நடைபெற்ற சர்வதேச World Championship 2024 போட்டியில் இந்திய நாட்டிற்காக விளையாட நடைபெற்ற தகுதி தேர்வில் நமது மாநிலத்தின் சார்பாக தஞ்சை மாவட்டத்தை சேர்ந்த ஐந்திற்கும் மேற்பட்டோர் தேர்வு பெற்றனர்.

இத்தாலி நாட்டில் சர்வதேச நாடுகள் கலந்து கொண்ட அப்போட்டிகளில் நமது தஞ்சை மாவட்டத்திலிருந்து சென்ற வீரர்கள் இறுதி சுற்று வரை சென்று நான்காம் இடம் பெற்று இறுதிவரை நாட்டிற்காக விளையாடினர். அதில் கும்பகோணம் ஜி எஸ் கே பள்ளி மாணவன் விஸ்வரூபன் , மற்றும் ஸ்ரீதர்சன் யோகன்சரன், ஆகியோர்கள் Skating Derby-போட்டியிலும், சத்தியபாமா கல்லூரியில் பயிலும் தஞ்சையைச் சேர்ந்த தருண் மற்றும் செல்வசுந்தரம் ஆகியோர்கள் Inline Skating Hockey போட்டியிலும் பங்கேற்று நேற்று (செப்.,27) தமிழ்நாடு திரும்பிய அவர்களை பாராட்டி இன்று (செப்.28) கும்பகோணம் மாநகர கலையரங்கில் நடைபெற்ற நிகழ்ச்சியில் நினைவு பரிசினை இளைஞர் நலன் மற்றும் விளையாட்டு மேம்பாட்டு அணி அமைச்சர் உதயநிதி ஸ்டாலின் அவர்கள் வழங்கி கௌரவித்தார்கள்.

உடன் பள்ளிக்கல்வித்துறை அமைச்சர் அன்பில் மகேஷ் பொய்யாமொழி அமைச்சர், சுற்றுச்சூழல் அமைச்சர், மெய்யநாதன் அரசு தலைமை கொரடா கோவை செழியன் மாநிலங்கள் அவை உறுப்பினர் கல்யாணசுந்தரம் சட்டமன்ற உறுப்பினர்கள், அன்பழகன் துரை சந்திரசேகர் ஜவஹிருல்லா மற்றும் பலர் உள்ளனர்