கும்பகோணம்: த.வெ.க. மகளிர் அணி சார்பில் நலத்திட்ட உதவி...

கும்பகோணம் ஏப்: 1- தஞ்சை கிழக்கு மாவட்ட தமிழக வெற்றி கழகம் மகளிர் அணி சார்பில் கும்பகோணம் பழைய நகராட்சி மருத்துவமனையில் 200க்கும் மேற்பட்ட கர்ப்பிணி பெண்களுக்கு மாவட்ட மகளிர் அணி அமைப்பாளர் அஞ்சனா பாலாஜி தலைமையில் ஊட்டச்சத்து உணவு பொருட்கள் வழங்கும் நிகழ்ச்சி நடைபெற்றது. நிகழ்ச்சியில் மகளிர் மருத்துவர் திருமதி தங்கரத்தினம், நகர்புற சுகாதார செவிலியர் திருமதி விஜயா, கிருஷ்ணவேணி செவிலியர் ஆகியோர் உடன் இருந்தனர். 

மேலும் நிகழ்ச்சியில் பெண்கள் கர்ப்பகாலங்களில் எடுத்துக்கொள்ள வேண்டிய பாதாம், பிஸ்தா, முந்திரி, பேரிச்சம்பழம், உலர்திராட்சை, மற்றும் சிறுதானியங்கள் அடங்கிய 250 உணவுப்பெட்டகங்கள் வழங்கப்பட்டன. பெண்களின் ஆரோக்கியத்தை ஊக்கப்படுத்தும் வகையில் திருமதி அஞ்சனா பாலாஜி அவர்கள் சில முக்கிய ஆலோசனைகளை வழங்கினார். மேலும் இந்நிகழ்ச்சியில் கழக நிர்வாகிகள் 20க்கும் மேற்பட்டோர் கலந்துகொண்டனர்.