சுரண்டை அருகே விவசாயிகளை தாக்கியவா்கள் மீது வழக்கு

தென்காசி மாவட்டம் ஆலங்குளம் அருகே சாம்பவர்வடகரையை சேர்ந்த விவசாயிகள் மாரிமுத்து, மாரியப்பன், கிருஷ்ணகுமார். இவர்கள் மூன்று பேரும் தங்கள் மாடுகளை மேய்ச்சலுக்கு கொண்டு சென்றனர். 

மாலையில் சாம்பவர்வடகரை - பூபாண்டியபுரம் சாலையின் அருகே உள்ள அணைப் பகுதியில், மாடுகளை குளிப்பாட்டிக் கொண்டிருந்தனராம். அப்போது அங்கு வந்த அடையாளம் தெரியாத 5 பேர், தங்கள் வயலில் ஏன் மாடுகளை மேய்த்தீர்கள் எனக் கூறி விவசாயிகள் மூவரையும் தாக்கியதாகக் கூறப்படுகிறது. இதுகுறித்த புகாரின் பேரில் சுரண்டை போலீசார் வழக்குப் பதிந்து விசாரித்து வருகின்றனர்.