ஒயின்ஷாப் சுவற்றில் ஓட்டை போட்டு மதுபானங்கள் திருட்டு

தெலங்கானா மாநிலம் ரங்காரெட்டி மாவட்டம் ஷம்ஷாபாத் அருகே எஸ்விபி லக்ஷ்மிநரசிம்ம ஒயின்ஸாப் செயல்பட்டு வருகிறது. அந்த கடையை திறக்க இன்று ஊழியர்கள் சென்றபோது கடையின் சுவற்றில் ஓட்டைப் போட்டு மதுபானங்கள் திருடப்பட்டது தெரியவந்தது. உடனடியாக இதுகுறித்து போலீசாருக்கு தகவல் தெரிவிக்கப்பட்டது. தொடர்ந்து போலீசார் நடத்திய விசாரணையில், இன்று அதிகாலையில் முகமூடி அணிந்து கடைக்குள் நுழைந்த கும்பல், மதுபாட்டில்களை திருடிச் சென்றது தெரியவந்துள்ளது.